Silungur frá A - Ö

Þetta skemmtilega  námskeið sem er á fyrirlestraformi gefur áhugaverða innsýn á mörg spennandi sjónarhorn silungsveiða og hentar bæði byrjendum sem lengra komnum.

Kennarar eru: Ólafur Ágúst Haraldsson og Hrafn Ágústsson (Caddisbræður) og Ólafur Tómas Guðbjartsson (Dagbók urriða).

Námskeiðsdagur 20.maí kl 13-18 í Hamri félagsheimili Þórs á Akureyri 

Almennt verð: 14.900 kr, félagsmenn SVAK 11.000 kr.

Skráning á svak@svak .is með nafni,kennitölu og símanúmeri. Lágmarksfjöldi á námskeiðið er 20 manns.

Sælir félagsmenn.

Fjarðará í Ólafsfirði fer í forsölu til félagsmanna miðvikudaginn 29.mars kl 20 og stendur til og með miðvikudagsins 12.apríl.

Líkt og áður hefur komið fram fór áin í útboð í haust og gerði SVAK tilboð sem var samþykkt af Veiðifélagi Ólafsfjarðar. 

Áður var áin í leigu Flugunnar og SVAK. Framboði veiðidaga fjölgar því en þriðjudagar verða áfram hjá bændum.

Veiðitímabilið er eins og áður frá 15.júlí til 20.september. 

Óhjákvæmilega þurfum við að hækka verð á veiðileyfum en hækkun var stillt í hóf eins og hægt var og félagsmenn SVAK fá áfram allt að 20 % afslátt. 

Kvóti í ánni er 4 bleikjur á stöng á dag. 

Leyfilegt agn í ánni er fluga og maðkur og fluga eingöngu þegar kvóta er náð. 

Það er okkur sönn ánægja að tilkynna ykkur að Fjarðará í Ólafsfirði oftar nefnd Ólafsfjarðará er komin í hendur SVAK á ný.

Kastæfing verður á morgun sunnudag 12.mars kl 12:30-14 í íþróttahúsinu Hrafnagili. Fyrirhugaðri tvíhendu æfingu þennan dag er frestað til vors þ.s betra þykir að vera úti og við vatn. Við æfum okkur því með einhendu á morgun. Allir velkomnir.

Kastæfingarnar halda áfram hjá SVAK. Nú er komið að þeirri þriðju en hún er sunnudaginn 5.mars kl 12:30-14 í Íþróttahúsinu á Hrafnagili.

Endilega kíkið á okkur með stöngina og takið nokkur köst. Vanir leiðbeinendur á staðnum sem aðstoða . 

Nú styttist verulega í vorveiðina og því ekki seinna en vænna að æfa köstin aðeins áður en á bakkann er farið.

Upplagt að skella sér í heita pottinn á eftir.

Fyrsta kastæfing SVAK þetta misserið var haldin inná Hrafnagili  s.l sunnudag. Þar mættu hátt í 20 manns og æfðu fluguköstin fyrir komandi veiðisumar. Þetta var fólk á öllum aldri og báðum kynjum sem er gleðilegt því alltaf viljum við fá fleira af ungu fólki og konum í sportið.

Næsta sunnudag er einmitt kastæfing sem er sérstaklega ætluð konum og ber hún uppá konudaginn sjálfan. Vonum að konur taki frá tímann milli 12:30-14 sunnudaginn 19.febrúar og mæti í Íþróttahúsið á Hrafnagili. Óvæntur glaðningur fyrir þær sem mæta og vanir kastarar á staðnum sem leiðbeina.

Upplagt að skella sér í heita pottinn á eftir og skipuleggja veiðsumarið :)

Endilega tilkynnið þátttöku með því að senda póst á svak@svak.is 

Minnum á kastæfinguna sem verður á Hrafnagili sunnudaginn 12. febrúar frá kl 12:30 - 14. 

Vanir kastarar á staðnum sem sýna ykkur réttu handtökin.

Grípið stöngina ykkar með en möguleiki að fá lánaða stöng ef þarf.

Upplagt að skella sér í sund á eftir.

Sjáumst :)

Stofnfundur kvennaklúbbs Stangveiðifélags Akureyrar (SVAK)

Ágætu veiðikonur !

 Mánudaginn 30.janúar kl 20 verður stofnfundur kvennaklúbbs SVAK. Allar konur sem hafa áhuga á stangveiði eru hvattar til að mæta.

Áherslur klúbbsins verða á fræðslu um sportið, kastæfingar, hnýtingar og að skipuleggja og fara í veiðiferðir saman.

Staðsetning: Aðalstræti 44.

Skráning á gudrun@svak.is