Aldeilis vor í lofti og tími kominn á fyrstu kastæfingu vetrarins sem er á sunnudaginn 23.febrúar frá kl 13-15 í íþróttahúsinu Hrafnagili.

Kastæfingin er öllum opin , vönum sem óvönum, konum og körlum,ungum sem öldnum. Leiðbeinendur á staðnum sem fara yfir grundvallar atriði flugukastsins og eru tilbúnir að aðstoða eftir þörfum. Taktu stöngina þína með og æfðu kasttæknina áður en þú mætir á bakkann í vor. Það er ekkert eins leiðinlegt og að mæta á árbakkann og koma flugunni ekki þangað sem við viljum að hún fari.

Bjóðum konur sérstaklega velkomnar þs þessa fyrstu kastæfingu ber uppá konudaginn sjálfan.

Sjáumst hress

Ágætu SVAK félagar.

Undan farin ár hefur Ferðamálaskóli Íslands boðið upp á nám fyrir áhugasama aðila sem vilja gerast leiðsögumenn innlendra og erlendra veiðimanna í ám og vötnum landsins. Veiðileiðsögunámið er hagnýtt nám og nýtist í senn starfandi leiðsögumönnum og áhugasömum aðilum sem hafa áhuga á að sinna slíkri leiðsögn.  Námið gefur innsýn í grunnatriði og ítarlegri þætti er varða veiðileiðsagnarþjónustu. Sérfróðir leiðsögumenn kenna undirstöðuatriði stangveiða og sérfræðingar miðla fróðleik um fiskana er við sögu koma og vistfræði þeirra.

Meðal kennsluefnis eru:

• Undirstöðuatriði er varða líffræði og lífshætti íslenskra ferskvatnsfiska. Meðal annars er fjallað um árstíðabundnar göngur fiska, gönguhegðun þeirra í ferskvatni og sjó og samspil þátta er koma við sögu.
• Farið er yfir þætti er varða umgengni leiðsögumanna við veiðimenn allt frá móttöku þeirra, til veiðanna og annara ráða er varða dvöl í veiðihúsum.
• Farið verður í tveggja  daga ferð í Eystri Rangá þar sem tekin verður fyrir meðal annars kasttækni með einhendum og tvíhendum.
• Lögð er áhersla á Skyndihjálp og áfallahjálp þar sem litið er sérstaklega til þátta er tengjast hættum við ár og vötn.
• Farið er yfir handtök er varða frágang á afla eftir veiði, blóðgun og flökun á fiski. Samhliða verður farið yfir grunnþætti sem varða meðhöndlun fiska með hliðsjón af „veiða og sleppa“ veiðihættinum.

Meðal leiðbeinenda hafa verið:

• Þröstur Elliðason, fiskeldisfræðingur – Strengir
• Jóhannes Hinriksson, fyrrverandi rekstrarstjóri – Ytri Rangá
• Reynir Friðriksson, sjávarútvegsfræðingur og veiðileiðsögumaður
• Björn Rúnarsson, Vatnsdalsá
• Björn Theodórsson, fiskeldisfræðingur og leiðsögumaður
• Gunnar Örn Petersen – Landsamband Veiðifélaga
• Kristinn Helgason, Landsbjörg
• Sindri Hlíðar, Fish Partner
• Sigurður Héðinn, Siggi Haugur
• Sigurkarl Stefánsson, fuglafræðingur
• Sr. Bragi Skúlason, Landspítala
• Kristján Friðriksson, Staðarhaldari í Langá á Mýrum, FOS.IS
• Haraldur Eiríksson Laxá í Kjós – Hítará. 

Allir leiðbeinendur hafa áratuga reynslu sem veiðimenn, leiðsögumenn eða vísindamenn, hver á sínu sviði.  Námið er alls 90 stundir og fer bæði fram í kennslustofu og á bökkum Eystri Rangár.

Vinsamlegast athugið að flest stéttarfélög styrkja sína félagsmenn til þessa náms. Nánari upplýsingar og skráning fer fram í síma 898-7765 Friðjón eða með tölvupósti á fs@menntun.is