Minnum à hnýtingakvöldið okkar á morgun mánudagskvöld kl 19:30 í Brekkuskóla. Allir áhugasamir velkomnir. Léttar veitingar.

Jæja kæru fluguhnýtingaáhugamenn.

Í tilefni af Febrúarflugum langar okkur að bjóða ykkur uppá tvö hnýtingakvöld í Brekkuskóla 2.febrúar og 9.febrúar kl 19:30-21:30.

Kennarar verða Jón Bragi Gunnarsson og Guðmundur Ármann Sigurjónsson.

Þið megið gjarnan taka með ykkur græjur ef þið eigið en það er líka möguleiki að fá hjá okkur ef þið hafið ekki komið ykkur upp áhöldum og efni. 

Aðgangur er ókeypis en þið megið gjarnan staðfesta mætingu með því að senda póst á svak@svak.is, gott að taka fram hvort þið þurfið að fá hnýtingagræjur hjá okkur.

Með von um góð viðbrögð

Stjórn SVAK

Gleðilegt ár kæra stangveiðifólk !

SVAK heldur 4 flugukastæfingar fyrir einhendu  í íþróttahúsinu á Hrafnagili í marsmánuði nánar tiltekið sunnudagana 1.mars, 8.mars, 15.mars og 22.mars frá kl 13-15.

Kennarar eru Sigmundur Ófeigsson, Jón Bragi Gunnarsson og Guðmundur Ármannn Sigurjónsson.

Æfingarnar eru hugsaðar fyrir byrjendur sem lengra komna. Farið verður yfir grunnhreyfingar flugukastsins, meðhöndlun á búnaði og öryggisatriði. Nemendur skiptast á að æfa sig með aðstoð kennara en það geta ca fimm kastað í einu.

Æfingarnar eru ókeypis og öllum opnar sem langar að læra að kasta með flugustöng eða þurfa að skerpa köstin sín. 

Skráning er æskilega á svak@svak.is. Þar skal tekið fram hvaða dag skuli mæta, hvort um barn eða fullorðinn sé að ræða og hvort viðkomandi sé vanur eða ekki. Reiknum með að viðkomandi mæti með sína stöng en getum  skaffað stöng ef þarf, það þarf þá að koma fram í skráningu.

Hlökkum til að sjá ykkur !!