Við notum vafrakökur til að greina upplýsingar um notkun vefsíðunnar til að bæta efni og birta markaðsefni. Nánar um vafrakökur LEYFA VAFRAKÖKUR
Ólafsfjarðará

Ólafsfjarðará

Ólafsfjarðará rennur til Ólafsfjarðarvatns í Ólafsfirði.Hún á upptök austast á Lágheiðinni og í fjalllendinu beggja vegna dalsins. Ólafsfjarðará er 5 km löng dragá sem er nánast alltaf tær,fremur nett og meðalvatnsmikil, frekar lygn neðantil en straumharðari ofantil. 

SVAK og Stangveiðifélagið Flugan hafa Fjarðará í Ólafsfirði í sameiningu á leigu. SVAK hefur til sölu um helming daganna og Flugan hinn helminginn. 

Í Ólafsfjarðará veiðist aðallega sjóbleikja sem er 35-45 sm og eitthvað af urriða. Auk þess veiðast alltaf 2-4 laxar á hverju sumri. Árleg veiði síðustu 10 árin eru 600-1900 fiskar.

Aðgengi að ánni er gott og hægt að vera á fólksbílum.


Veiðireglur

Ólafsfjarðará er skipt í tvö svæði,efra og neðra. Svæðaskiptingu má sjá á veiðikorti.

Veiðifyrirkomulag:

Veitt er frá 15.júlí til 20 september. Landeigendur hafa annan hvern þriðjudag til eigin ráðstöfunar.

Veitt er á tvær stangir á efra svæði fyrri vaktina og á neðra svæði seinni vaktina og öfugt. Svæðaskipti eru á vaktaskiptum.Veiðitími er frá kl 07:00 til 13:00 og 16:00 til 22:00 en eftir 15 ágúst er seinni vakt frá 15:00 til 21:00. Kvóti á dag er 5 fiskar á stöng og ekki heimilt að færa hann á milli stanga eða á milli daga.

Leyfilegt agn: Fluga og maðkur


Veiðihús

Ekkert veiðihús er við ána en gistingu má finna víða í Fjallabyggð.


Annað

Allur akstur utanslóða og á túnum er stranglega bannaður .

Veiðivörður: Úlfar Agnarsson sími 778-1544


Skilmálar

Alla veiði á að færa í rafræna veiðibók Ólafsfjarðarár á Svak.is.



Keyrt á vefkerfi dorga.is © 2021.