Við notum vafrakökur til að greina upplýsingar um notkun vefsíðunnar til að bæta efni og birta markaðsefni. Nánar um vafrakökur LEYFA VAFRAKÖKUR
8.4.2021 - Ólafsfjarðará í forsölu

Ólafsfjarðará fer í forsölu til félagsmanna SVAK 10.apríl kl 13 og stendur til 17.apríl.


SVAK er leigutaki árinnar ásamt Veiðifélaginu Flugunni og skipta félögin jafnt með sér dögum,hvort félag með eina viku í senn. Bændadagar eru annan hvern þriðjudag.

Veitt er frá 15.júlí til 20 september.

Ólafsfjarðará er fjögurra stanga á þar sem veitt er á tvær stangir á efra svæði fyrri vaktina og á neðra svæði seinni vaktina og öfugt. Svæðaskipti eru á vaktaskiptum. 

Veitt er á flugu og maðk. Í ánni veiðist aðallega sjóbleikja, en alltaf eitthvað af urriða og einn og einn lax.

Í verndunarskyni hefur bleikjukvóti í ánni verið settur niður í 5 bleikjur á stöng per vakt. Eftir að kvóta hefur verið náð skal sleppa allri bleikju.

Stjórn SVAK beinir einnig þeim tilmælum til veiðimanna sinna og sleppa allri bleikju sem er 50 sm eða stærri.

Sem fyrr fá félagsmenn SVAK 20 % afslátt af veiðileyfum í Ólafsfjarðará.

Með von um gleðilegar stundir á bakkanum 

Stjórn SVAK

 

Til baka

Keyrt á vefkerfi dorga.is © 2021.