11 mar. 2008

Nú er miklu minna af Omega þrír fitusýrum í eldislaxi en áður vegna breytinga á laxafóðri. Þetta kemur fram í doktorsritgerð Sverre Seierstad við norska dýralæknaháskólann. Vegna þess að verð á lýsi hefur hækkað eru jurtaolíur, repja og soja, notaðar í auknum mæli í laxafóður.

Við rannsókn Seierstad kom fram að laxar sem fengu fóður með lýsi innihéldu þrisvar sinnum meira af omega þrír og helmingi meira en laxar sem fengu bæði lýsis- og jurtaolíufóður. Laxinn sem Seierstad og félagar ólu upp var gefinn hjartasjúklingum á Ullevål háskólasjúkrahúsinu í Ósló. Hjá sjúklingunum kom í ljós marktækur munur eftir því hvers konar lax þeir snæddu.

Frétt af http://www.ruv.is