Jæja gott fólk þá styttist í fyrstu kastæfingu SVAK og Veiðiríkisins en hún verður haldin í Íþróttahöll Akureyrar sunnudaginn 5.mars kl 13-14.

Æfingarnar eru  tilvaldar fyrir þá sem vilja æfa fluguköstin fyrir komandi veiðitímabil .

Fólk getur komið með eigin stangir eða fengið stangir að láni.

Ætlað byrjendum sem lengra komnum. Leiðsögn á staðnum.

Eigendur Veiðiríkisins verða á staðnum og kynna nýju SAGE X flugustöngina,einhendu og tvíhendu.

Ókeypis aðgangur og engin skráning

Nú fer sólin hratt hækkandi á lofti sem þýðir bara eitt 😌Það styttist í vorið 😉

Láttu því sjá þig !

Næstu æfingar eru sunnudagana 19. og 26. mars kl.13-14.