Fréttir

11 júl. 2011

Gott á Hrauni og 103cm stórlax!

Á föstudaginn sl. veiddist fyrsti lax sumarsins á Hrauni, 103 cm lúsugur hængur. Þetta var þykkur og fallegur lax eins og myndin sýnir en hann veiddist við Engey sem er neðst á svæðinu. Laxinn gæti því hugsanlega vegið 23 til 24 pund en honum var auðvitað sleppt. Hraun og hin svæðin neðan virkjunar voru mikil stórlaxasvæði hér í den en á því varð breyting upp úr 1980.

Laxinn hefur nú verið friðaður fyrir allri veiði á Hrauni og á svæðunum í kring í átta ár og ánægjulegt að hann sé smám saman að hasla sér völl aftur efst í dalnum, laxgengd hefur greinilega verið að aukast aftur á þessum svæðum síðustu árin.

Urriðaveiðin hefur verið prýðileg á Hrauni það sem af er sumars þrátt fyrir hret og kuldatíð í maí og júní. Oft eru að fást 15 til 20 fiskar yfir daginn á stangirnar þrjár og eru þeir vænni en í fyrra, allt upp í 60 cm. Það er fyrst núna að það er að koma smá ylur í ánna og besti tíminn því fram undan. Sem fyrr, eru það þurrfluguveiðimenn sem eru að brillera á Hrauni en púpur og streamerar líka öflugir. Það er búin að vera mikil fluga síðustu vikurnar og urriðinn er yfirleitt vel á sig kominn.

Við minnum veiðimenn á að gá eftir merkjum á urriðanum í Hrauni - en þar stendur nú yfir nú rannsóknarverkefni þar sem meta á vöxt, far og afföll urriða - einn þátturinn er að skoða hvort hitastig hafi áhrif á lifun á urriða sem sleppt er.   Við hvetjum veiðimenn til að taka þátt í þessu verkefni og sleppa öllum merktum fiski aftur - en skrá jafnframt niður númer merkis og hitastig árinnar - auk hefðbundinna skráningarþátta. 

Mynd: Nils Folmer Jörgensen með stórlaxinn á Hrauni.

Til baka

Veiðileyfi

Hörgá
Ekkert laust eins og er.

Laxá í Aðaldal, Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.