Fréttir

22 apr. 2011

Áskorun um rúman veiðitíma

Algengur misskilningur er að daglegur veiðitími sé lögbundinn og aðeins megi veiða á stöng í 12 tíma á tímabilinu 07:00-22:00.   Svo er þó ekki - því í lögum um lax- og silungsveiði segir aðeins að friða beri lax- og silung fyrir veiði í 84 stundir á viku.  Það eru að meðaltali 12. klst á sólarhring.

Í Litluá í Kelduhverfi hagar nú svo til að stjórn veiðifélagsins hefur breytt þar daglegum veiðitíma og skert mjög fyrra frjálsræði. Því tóku nokkrir aðilar sig til og sendu áskorun til veiðifélagsins - hana má sjá hér neðar. Við hvetjum menn til að taka þátt og senda þessa áskorun áleiðis.

Laugardaginn 23.04.2011 er aðalfundur veiðifélags Litluár
Hópur manna hefur tekið sig til og óskað eftir að veiðitíma þar verði breytt - við litlar undirtektir stjórnar veiðifélagsins.
Hópinn langar því að láta reyna á samtakamátt fjöldans og fá sem flesta sem samþykkir eru áskorun um breyttan veiðitíma, til að senda stjórninni neðangreinda áskorun.  
netföngin sem senda þarf á eru: 
rosbender@gmail.comjon@lifsval.isgudnybj@redcross.is, info@keldunes.is




Til stjórnar Veiðifélags Litluárvatna


Efni: Áskorun um að leyfa frjálsan veiðitíma í Litluá

Ég undirritaður skora á stjórn Veiðifélags Litluárvatna að leyfa á ný 12 klukkustunda frjálsan veiðitíma innan hvers sólarhrings og leyfi mér að rökstyðja áskorun þessa með eftirfarandi hætti.

Frjáls veiðitími yrði til þess að:

  • Skapa Litluá ákveðna sérstöðu meðal betri silungsveiðiáa Íslands
  • Um leið auka ánægju veiðimanna
  • Þar með stuðla að betri nýtingu veiðidaga
  • Auka sókn í veiðileyfi
  • Og auka arð landeigenda

Frjáls veiðitími var reyndur á árunum 2001-2009 í Litluá og mæltist frábærlega vel fyrir. Gátu menn þá sjálfir ráðið því hvenær sólarhringsins þeir nýttu til veiða þær 12 klukkustundir sem greitt er fyrir. Það sem kom ef til vill mest á óvart við þessa tilhögun var að menn veiddu yfirleitt ekki allan þann tíma sem þeim stóð til boða, heldur fóru sér að engu óðslega, hvíldu ána vel en nýttu betur þær klukkustundir þegar aðstæður voru bestar. Þannig jafnaðist í raun út álagið á ána og fiskistofnana.

Að veiða um bjartar sumarnætur er einstök upplifun og þykir til að mynda erlendum veiðimönnum ógleymanlegt að veiða silunga á flugu í miðnætursól. Frjáls veiðitími er einmitt ein helsta ástæðan fyrir því að svo margir veiðimenn sækja upp til heiða þar sem menn veiða þegar veðurskilyrði eru fegurst og best, hvort sem er að degi eða nóttu. Eitt af því sem gerði Litluá svo minnistæða í hugum margra sem veiddu þar fyrir áratug eða svo voru kvöld og næturævintýri við ána. Að egna flugu fyrir stórurriða í miðnætursólinni er eithvað sem enginn gleymir.

Litlá er sannarlega ein af perlum Íslands þegar kemur að silungsveiði. Áin hefur hægt og bítandi náð sér á strik eftir ofveiði í nokkurn tíma. Hún hefur tryggan og góðan aðdáendahóp sem vill fyrir alla muni standa vörð um ána og glæstan silungastofn hennar. Allir sem því kynntust sakna næturstemningar við ána.

Af ofangreindum ástæðum skora ég á stjórn Veiðifélags Litluárvatna að heimila á ný og sem allra fyrst frjálsan veiðitíma við ána.

Með kærri kveðju og von um jákvæðar undirtektir,

-- Undirskrift --

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.