Fréttir

04 mar. 2010

Eyjafjarðará

Forsala veiðleyfa í Eyjafjarðará er nú hafin, Verð og fyrirkomulag er með sama móti og í fyrra.
Umsóknareyðublað er hér
Veiðitilhögun í Eyjafjarðará

Á svæði 1, 2 og 3 má veiða með flugu og spún. Á svæði 4 og 5 er einungis leyfilegt að veiða á flugu, með einum eða tveimur krókum, með flugustöng og fluguhjóli.

Veiðimönnum er heimilt að drepa eina bleikju á hverri vakt, sem er undir 50cm á lengd og sleppa öðrum veiddum bleikjum. Heimilt að hirða allan urriða (staðbundinn og sjógenginn) og lax.

Veiði í öllum þverám Eyjafjarðarár er bönnuð.

Á svæði 5 verða seld veiðileyfi í ágústmánuði. Ekki verður heimilt að veiða á svæði 5 fyrir framan merki ofan Tjaldbakka.

Umfangsmiklar rannsóknir á lífríki Eyjafjarðarár undir stjórn Bjarna Jónssonar umdæmisstjóra veiðimálastofnunar á Norðurlandi, halda áfram í sumar. Rannsóknin felst m.a. í að merkja umtalsvert magn af bleikju, til að meta far bleikjunnar, mögulegan veiðistofn, veiðiálag, ofl. Merkingar á bleikju hefjast í vor á neðri svæðum árinnar. Bleikja verður merkt á svæði 5 og í þverám Eyjafjarðarár jafnt og þétt í allt sumar. Ekki verður merkt bleikja á heimiluðu veiðisvæði á svæði 5, í ágústmánuði. Gert er ráð fyrir að þessar rannsóknir spanni yfir þriggja ára tímabil.
Athugið ef veidd er merkt bleikja skal skrá númer merkis ásamt lengd og veiðistað í veiðibók.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.