Fréttir

09 des. 2009

Á veiðislóð

Laugardaginn 12. desember kl. 14.00 opnar Guðmundur Ármann myndlistarsýninguna Á VEIÐISLÓÐ í Populus tremula. Þar sýnir Guðmundur vatnslitamyndir málaðar á veiðislóð, fígúratífar myndir af vötnum, ám og fjallasýn. Sýningin er einnig opin sunnudaginn 13. des. kl. 14.00-17.00. Síðustu árin hefur Guðmundur gert það að algjörri reglu að hafa vatnslitina með í veiðiferðir og mála eitthvað þegar stund gefst á milli stríða.

Síðustu árin hefur Guðmundur gert það að algjörri reglu að hafa vatnslitina með í veiðiferðir og mála eitthvað þegar stund gefst á milli stríða. Smám saman hefur það orðið stór hluti af veiðiferðunum að vatnslita og að hann kemur sáttur heim með eina eða tvær myndir í farteskinu, jafnvel þótt ekkert hafi fiskast. Hins vegar hefur Guðmundur alltaf litið á þetta fyrst og fremst sem algjörar fingraæfingar því hann fæst yfirleitt við allt aðra hluti í sinni myndlist. Samt sem áður hefur þetta undið upp á sig og nú orðið notar hann jafnvel vatnslitamyndirnar sem skissur eða frumdrög að sínum stóru olíumálverkum.

Fyrir hvatningu veiðifélaga um að sýna þessa hlið á náttúruupplifuninni að veiða og vatnslita, varð þessi sýning að veruleika.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.