Fréttir

30 nóv. 2009

Möguleg herferð gegn norsku laxeldi

Sendiráð Noregs hafa verið sett í viðbragðsstöðu vegna samtaka sem hafa hafið herferð gegn norsku laxeldi. Samtökin Pure Salmon Campaign eru að ferðast um heiminn með myndband sem kallað er Flett ofan af Laxeldi.

 

Á myndbandinu er því haldið fram að Norðmenn skaði bæði fólk og náttúru í Írlandi, Skotlandi, Kanada og Chile þar sem þeir eiga eldisstöðvar.

Því er haldið fram að í Chile sé laxi gefið fimmþúsund sinnum meira af fúkkalyfjum en í norskum eldisstöðvum.

Samtökin segja að Norðmenn ógni viltum laxastofnum vegna laxalúsar og sjúkdóma sem herji á stöðvar þeirra. Sýktir laxar sleppi úr eldisstöðvunum og stefni villtum laxi í hættu.

Náttúruverndarsamtök Noregs hafa tekið málið upp. Ríkið á meirihluta í laxeldisstöðvinni Cermaq og samtökin krefjast þess að ríkisstjórnin skoði þau alvarlegu brot sem Cermaq er sakað um.

Norska fiskútflutningsráðið hefur einnig tekið málið upp. Í bréfi til laxeldisstöðvar segir að aðgerðir Pure Salmon Campaign séu teknar mjög alvarlega. Öllum sendiráðum Noregs hafi verið send aðvörun vegna myndbandsins.

 

Frétt tekin af www.visir.is

JÁG

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.