Fréttir

20 apr. 2009

Hópferð á Skagaheiði 2009

Farið verður þriðja sinni í skipulagða hópferð til veiða í vötnum í landi bæjarins Ketu á Skaga sumarið 2009. Að þessu sinni höfum við til umráða kofann á heiðinni frá fimmtudeginum 2. júlí til sunnudagsins 5. júlí. Þeir sem farið hafa með áður njóta forgangs um pláss í húsinu og lítur út fyrir að 5 kojur séu nú þegar bókaðar. Það þýðir að 2-3 rúmstæði eru laus.
Í Ketuveiðum er veitt í Urðarselstjörn, Selvatni, Kelduvötnum, Skálavatni og fleiri vötnum í næsta nágrenni ef menn treysta sér í góðar gönguferðir. Torfært er upp að Skálavatni og betra að menn séu á góðum jeppum. Hreinlætisaðstaða er með versta móti á heiðinni en í kofanum er hægt að elda mat á gashellum og gasofn er til upphitunar ef kalt er í veðri. Þeir sem vilja tjalda geta gert það nokkuð víða við umrædd vötn. Þarna er veidd bæði bleikja og urriði. Algengasta stærð fiska hefur verið um pundið en inn á milli leynast mun stærri fiskar. Áhugasamir skrái sig með því að senda tölvupóst á svak@svak.is.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.