Fréttir

02 jan. 2009

Fengu þrjá laxa á nýársdag

Tveir félagar hrósuðu happi í gær þegar þeir fengu þrjá laxa í Eystri-Rangá.

„Ég er eiginlega viss um að það hafa ekki verið veiddir laxar fyrr á árinu," segir Kristján Þ. Davíðsson annar veiðimannanna og framkvæmdastjóri í gamla Glitni.

Hefðbundnum veiðitíma í ánni lauk í október, en eftir að félagi Kristjáns hitti mann sem hafði fengið fisk á aðfangadag í Eystri-Rangá ákváðu þeir að freista gæfunnar.

„Við höfðum samband við veiðivörðinn og hann benti okkur á staðinn sem við fórum á," segir Kristján. Ekki var hægt að kvarta undan veðrinu því veitt var í tveggja stiga hita.

„Við vorum þarna milli tvö og fjögur og birtan var eins og klukkan tíu að kvöldi á sumrin," segir Kristján, sem hugsar sér gott til glóðarinnar, þegar glænýr fiskurinn verður matreiddur í kvöld. Veiði í hafbeitarám á þessum árstíma er ekki bönnuð.

 

Tekið af mbl.is

BHA

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.