Fréttir

25 ágú. 2008

Sá stærsti á Iðu í sumar

Ágætis veiði hefur verið á Iðu í sumar og allnokkur prýðileg skot. Þar, líkt og í Stóru Laxá, hefur aflinn þó nær eingöngu samanstaðið af smálaxi sem stingur nokkuð í stúf við stórlaxagengd víða annars staðar.

Fyrir skemmstu veiddist þó stærsti laxinn á Iðu og þó það væri ekki tuttugu pundari þá var það heljarmikill og flottur hængur.

Aö sogn Sævars Arnar Hafsteinssonar sem er félagi í veiðiklúbbnum Mokveiðifélag Skagafjarðar voru þeir félagar aðeins einn dag á Iðu þar sem flest holl eru í einn og hálfan dag, en þeir hafi eigi að síður náð þar metveiði sumarsins, 16 löxum, auk eins sjóbirtingsins. „Það hafa víst ekki veiðst svona margir í einu holli fyrr í sumar. Stærsti laxinn var 96 cm hængur sem Hörður B. Hafsteinsson veiddi og honum var gefið líf,“ sagði Sævar í skeyti til VoV, en Sævar tók myndina sem hér birtist haf Herði. Lesendur geta séð meira um Iðuveiði Mokveiðifélagsins á http://veidimenn.com

Hörður B Hafsteinsson með stórlaxinn á Iðu. Mynd Sævar Örn Hafsteinsson.

Tekið af Vötn og Veiði

BHA

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.