Fréttir

15 ágú. 2008

Frábærir veiðidagar í Brunná

Það er víst óhætt að segja að Öxarfjörðurinn hafi skartað sínu allra fegursta dagana 11 -14 ágúst en þá dvöldu nokkrir veiðifélagar við veiðar í Brunná.
Sól og blíða hélst alla daga sem gerði að nokkuð þurfti að hafa fyrir bleikjunni og var það einungis til að auka á skemmtunina. Menn voru sammála um að vel væri gengið af bleikju í ána og hún ágætlega dreifð. Á þriðja tug bleikja og einn stór urriði ginu við flugum veiðimanna og tóku þær allskonar flugur, kúlur, púpur og ekki síst þurrflugur. Í Hundakofahyl komu nokkrar vænar á þurrflugur þar á meðal ein sem áætluð var milli 7 og 8 pund. Í Síkisbreiðu sem var hreinlega iðandi af lífi komu stórir fiskar þar á meðal 3-4 kílóa urriði á þurrflugu. Benda má á nokkra óselda daga hjá Svak í næstu viku og ástæða til að hvetja félagsmenn til að skoða þessa stórkostlegu veiðiá. Þess ber að geta að flestar bleikjurnar fengu líf enda veitt í ánni með hófsemina að leiðarljósi.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.