Fréttir

07 júl. 2008

Stórfiskar í Breiðdal

Að loknum frábærum opnunardegi í Breiðdalsá 1. júlí fór áin í stórflóð vegna mikilla rigninga. Þann 4. júlí var áin farin að sjatna og þar sem lítið var bókað fóru 2-3 heimamenn í ánna og þar á meðal séra Gunnlaugur Stefánsson á Heydölum.

Er skemmst frá því að segja að hann fékk tvær vænar hrygnur fyrir hádegi á Skammadalsbreiðunni og eru það fyrstu laxarnir á þeim rómaða veiðistað. Var þeim sleppt aftur í ánna, enda skyllt að sleppa vænum hrygnum eða setja í klakkistur ef hægt er. En síðdegis setti klerkurnn í líklega stærsta lax sem veiðst hefur í sögu Breiðdalsár á veiðistaðnum var Malarsveigur á svæði 2. Rauk laxinn eftir tökuna með miklum látum eina 600-700 metra niður ánna og var landað eftir langa og harða viðureign á milli Gunnlaugshlaupa og Ármóta. Var það hrygna sem var lengdarmæld 102 cm og því áætluð samkvæmt kvarða ríflega 20 pund að þyngd. Reyndar var hún mjög sver og almennt eru hrygnur þyngri en hængar þegar komið er í þessar lengdir. Hún var bókuð 22 pund en hugsanlega var hún mun stærri en erfitt er um það að segja þar sem Gunnlaugur sleppti hrygnunni aftur í ánna.
Væntanlega nær hún að hrygna og bæta stórfiskagen árinnar, sem eru reyndar í góðu horfi eða veiðast síðar og þá nýtast í undaneldi, enda slíkar hrygnur sjaldséðar hér á landi.

En 4. júlí verður líka í minnum hafður því þennan sama dag veiddist líka stærsti silungur sem vitað er að hefur veiðst í Breiðdalsá! Var það Ólafur R. Garðarsson leiðsögumaður sem setti í þennan urriða sem sést hér á myndinni. Veiðistaðurinn var Klapparhylur fyrir neðan veiðihúsið og mældist hann 77 cm að lengd og áætlaður um 15 pund að þyngd, en þó einnig hugsanlega mun stærri enda urriðar að öllu jöfnu mun þyngri miðað við lengd ef miðað er við laxa. Ekki fæst úr því skorið því honum var einnig sleppt aftur í Breiðdalsá. Báðir fiskarnir tóku þýska Snældu, ótrúleg tilviljun!

Nú er komin á forsíðu á vef strengja veiðibók þar sem verður færð inn laxveiðin í Breiðdalsá í lok hvers veiðidags í sumar. Frábær kostur til að fylgjast með okkar helstu laxveiðiá sem er nú að sanna sig sem ein af betri ám landsins, bæði í fjölda laxa og ekki síður sem stórlaxaá. Fjörið er rétt að byrja í Breiðdalnum!

Tekið af Strengir

BHA

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.