Fréttir

10 jún. 2008

Lax kominn upp fyrir Króksbrú

Vatnið í Norðurá í Borgarfirði þessa dagana virðist henta vorlaxinum
ákaflega vel til göngu fram dalinn.

Það er segin saga að þessir stóru snemmgengnu fiskar hundsa laxastigann og láta sig vaða upp Glanna og það kom bersýnilega í ljós í morgun þegar að veiðimenn ákváðu að leggja í leiðangur upp undir Holtavörðuheiði. Það borgaði sig heldur betur því einn þeirra, árnefndarmaðurinn Jón Ásgeir Einarsson setti í og landaði fallegum laxi í veiðistaðnum Poka. Við fengum senda mynd í gegnum síma.



Ætla mætti að Norðurárfiskinum liggji mikið á um þessar mundir og vandfundnir þeir laxar sem hika í göngunni uns þeir hverfa upp fyrir Laxfoss. Hilmar Hansson sá þó laxa skríða inn á Eyrina í morgun og landaði glæsilegri 86 sentimetra hrygnu. Þess má einnig geta að annan daginn í röð kom lax af svæðinu Norðurá II, en um níu punda fiskur var tekinn af Klettsbreiðu í gærkveldi.



Mynd; Það borgaði sig að fara í bíltúr! Veiðistaðurinn Poki er niður undan Króksfossi ofarlega í Norðurárdal.

Tekið af SVFR

BHA

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.