Fréttir

22 maí 2008

Risaurriðar


Það er ekki bara í Þingvallavatni sem veiðast risastórir urriðar.  Eru fréttir af 14 punda urriða í Úlfljótsvatni sl. sunnudag og hérna fyrir norðan eigum góða von í stórum urriða í Ljósavatni, þótt ýmsum komi það spánskt fyrir sjónir.

Undirritaður var svo heppin að leigja Djúpá  í nokkur ár en hún rennur úr Ljósavatni, vorum við nokkrir góðir félagar um ánna og veiddust þar stundum stórir urriðar.   Stærsta fiskinn veiddi Guðmundur Ármann en hann var um 9 pund, mun stærri fiska sáum við en þeir voru ekki auðveiddir.  þessir urriðar ganga niður úr Ljósavatni á haustin og hrygna í ánni, gengum við hóflega fram til veiðanna þar sem þetta eru mikilvægar hrygningarstöðvar fyrir stofninn í Ljósavatni.  En einnig var gaman að egna fyrir urriðan í vatninu á sumrin áður en hann gekk til hrygningar og oft gáfu vorin vel, hef ég séð ótrúlega stóra urriða í vatninu og sennilega var sá stærsti kringum 15 pund. Ljósavatn er núna komið á veiðikortið en var ákaflega vanmetið sem veiðivatn, þar er mikið af bleikju, að vísu nokkuð smárri en góðum matfiski og svo er ávalt von í góðum urriða.

ÞB

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.