Fréttir

02 maí 2008

Viltu læra að veiða?

Félagsstarf SVAK hefur verið með miklum blóma á síðasta ári, opin hús,
hnýtingakvöld, fyrirlestrar svo eitthvað sé nefnt hefur verið nokkuð
reglubundið á dagskrá.

Við héldum flugukastnámskeið sem tókust afar vel og þeim höfum við
ákveðið að fylgja eftir með Fluguveiðiskóla SVAK. Skólinn hefur göngu
sína með tveimur 3 daga námskeiðum í byrjun Júní og verður skólinn
staðsettur í glæsilegu veiðihúsi við Reykjadalsá í Suður - Þing.
Vatnasvæðið sem skólinn hefur til umráða fyrir nemendur sína er
Reykjadalsá og Vestmannsvatn en gaman er að geta þess að
Reykjadalsá var ein gjöfulasta urriðaá landsins á síðasta ári.
Þátttakendur þurfa einungis að taka með sér góða skapið og viljann
til að læra því innifalið í námskeiðsgjaldi er kennsla, gisting í
uppábúnum rúmum og fullt fæði.

Dagskrá Fluguveiðiskólans verður meðal annars kastkennsla þar sem skoðuð verða
þekktustu kastafbrigði. Eins verður farið með þátttakendur í gegnum val á flugum og
hvernig best er að koma flugum fyrir fiskinn við mismunandi aðstæður (presentation).
Skoðuð verður sérstaklega flóra skordýra í tengslum við val á flugum.


Sá sem stýrir þessu verkefni er Pálmi Gunnarsson en með honum kenna Þórarinn Blöndal og Ingvar Karl Þorsteinsson.

Fleiri upplýsingar um Skóla SVAK


Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.