Fréttir

01 jún. 2003

130 stofnfélagar í Stangaveiðifélagi Akureyrar

Stangaveiðifélag Akureyrar (SVFA) var stofnað síðastliðinn laugardag og mættu rétt innan við 100 manns á stofnfundinn sem haldinn var á Hótel Kea. Nú þegar hafa um 130 manns skráð sig sem stofnfélagar. Fyrsti formaður félagsins var kjörinn Ragnar Hólm Ragnarsson en aðrir í stjórn eru Björgvin Harri Bjarnason, Ingvar Karl Þorsteinsson, Jón Bragi Gunnarsson, Kristján Hjálmarsson og María Ingadóttir.
Heiðursgestir á fundinum voru Kolbeinn Grímsson frá fluguveiðifélaginu Ármönnum í Reykjavík og Bjarni Ómar Ragnarsson og Marinó Marinósson úr stjórn Stangaveiðifélags Reykjavíkur. Formaður SVFR, Bjarni Ómar, ávarpaði fundinn og fagnaði framtakinu. Kom meðal annars fram í máli hans að landslag í íslenskri veiðileyfasölu hefði breyst mjög á síðustu árum og full þörf væri á sterkum félögum veiðimanna sem keppt gætu við fyrirtækin á veiðileyfamarkaðinum.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.