Fréttir

30 jan. 2014

Ólafsfjarðará og Hölkná kynntar

Vetrarstarfið heldur áfram á mánudaginn 3.febrúar í Amaróhúsinu nánar tiltekið kl 20 en þá verða fluttir pistlar um Ólafsfjarðará, Hölkná, efri hluta Skjálfandafljóts og Hrúteyjarkvísl. Það eru félagarnir Guðmundur Ármann og Ragnar Hólm sem sjá um kynninguna á Ólafsfjarðaránni en þeir félagar eru þaulkunnugir ánni og hafa marga bleikjuna dregið á land í firðinum fagra.
Veiði var með ágætum í Ólafsfjarðará í sumar en 415 bleikjur voru skráðar í rafrænu veiðibókina hjá SVAK þrátt fyrir að áin hafi verið vatnsmikil og lítið veiðanleg fyrri hluta sumars. Stangveiðifélögin SVAK og Flugan eru með Ólafsfjarðará saman á leigu og þess er ekki langt að bíða að áin komi í vefsölu SVAK (nánar auglýst síðar)

Að lokinni kynningu á Ólafsfjarðará munu þeir félagar úr stangveiðifélaginu Flugunni stíga í pontu og fjalla um  veiðisvæði sín Hölkná í Þistilfirði, efri hluta Skjálfandafljóts og Hrúteyjarkvísl. Veiðin í Hölkná gladdist talsvert sumarið 2013 þegar um 140 laxar komu á land. Hölkná er með ódýrari kostum þegar kemur að laxveiði.


Hannes Reynisson formaður Flugunnar  lýsir hvernig best sé að bera sig að við veiðar í Undirlendahyl í Hölkná

Hrúteyjarkvísl og efri hlutil Skjálfandafljóts er einnig ódýr kostur i stangveiði en þar veiðist alltaf slatti af urriða og nokkrir laxar. Ef menn hafa áhuga á leyfum hjá stangveiðifélaginu Flugunni er hægt að senda fyrirspurnir á  veidileyfi@veidileyfi.is

En við vonumst til að sjá sem flesta þann 3.febrúar kl 20 í Amaróhúsinu við Veiðivörur.is. Allir velkomnir, aðgangur að sjálfsögðu ókeypis og alltaf heitt á könnunni í þessum góða félagsskap.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.