Fréttir

27 ágú. 2013

Góðar fréttir úr Ólafsfjarðará

Fín veiði hefur verið í Ólafsfjarðará undanfarið og nú eru 150 bleikjur skráðar í rafrænu veiðibókina hjá SVAK sem verður að teljast gott miðað við að ekki hefur verið hægt að fullnýta selda veiðidaga sökum mikils vatns í ánni sérstaklega fyrri part sumars.

Fengum fréttir frá tveimur veiðimönnum sem voru við veiðar í ánni 25.ágúst s.l og náðu að landa 30 bleikjum. Langflestar voru teknar á flugu. Hyljirnir sem voru að gefa mest voru hinn frægi Ingimarshylur, Hólshylur og Breiðan.



Þá setti Úlfar Agnarsson veiðivörður þar ytra í lax í ánni í gær og fleiri slíkir höfðingjar hafa sést á sveimi í ánni.
Tveir laxar úr Ólafsfjarðará eru skráðir í rafrænu veiðibók SVAK  í fyrra. Þeir veiddust einmitt í lok ágúst og byrjun september.
Eigum talsvert af lausum stöngum í Ólafsfjarðará frá og með 4.september, sjón er sögu ríkari hér ofar á síðunni til vinstri undir veiðileyfi. Eftir 8.september kostar stöngin aðeins 4000 kr en fram að þeim tíma er hún á 6000 kr fyrir félagsmenn SVAK. Hvernig væri nú að kíkja út í fjörðinn fagra ?

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.