Fréttir

26 júl. 2013

Opið út í Hvalvatnsfjörð

Vegurinn út í Hvalvatnsfjörð var opnaður í gær þannig að nú geta menn farið að renna fyrir sjóbleikjuna í Fjarðaránni. Óskum veiðimönnum góðrar ferðar út í fjörðinn fagra.

 

Á heimasíðu stangveiðifélags Flúða má lesa eftirfarandi; Nú er orðið fært út í Fjörður og við heyrðum frá veiðimönnum sem voru að veiða þar núna í dag. Áin er hrein og tær ólíkt mörgum öðrum í Eyjafirðinum um þessar mundir. Þeir sem eru við veiðar höfðu ekki orðið varir við bleikju í sjálfri ánni en voru búnir að landa nokkrum og setja í fleiri í fjörunni þar sem áin kemur út í sjó.

Vegurinn var mokaður af vegagerðinni og ennþá eru háir skaflar við hann sem eru að bráðna og veiðimönnum því bent á að fara ekki af stað nema á vel búnum bílum þar sem það getur verið mikil bleyta á veginum.


Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.