Fréttir

13 jún. 2013

Laxá Hraun og Syðra Fjall

Laxá í Aðaldal er öll að sjatna og veiðin mjög góð eftir því. Mokveiði á Hrauni og einnig veiðist mjög vel á Syðra Fjalli

Laxáin var náttúrulega ansi bólgin fyrstu dagana í júní en það var aðeins farið að sjatna í henni þegar fyrsta hollið kom 5. júní og hitastigið í ánni farið að stíga töluvert.

Þeir sem voru við veiðar þessa fyrstu daga á Hrauni lentu því í veislu og lönduðu hátt í 50 vorsprækum urriðum, allt að fimm og hálfu pundi. Sama var upp á teningnum nokkrum dögum síðar þegar fyrstu veiðimenn sumarsins reyndu fyrir sér á Syðra-Fjalli, menn voru að fá um 10 urriða yfir daginn, og vænir fiskar í bland.

   Flottur fiskur veiddur á Syðra Fjalli sunnudaginn 9júní                       mynd frá Veidimenn.com

Þessi urriðaveisla í júní og fram eftir sumri á þessum svæðum er ekkert nýmæli enda allt uppselt á Hrauni til 20. júlí en töluvert laust eftir það. Syðra-Fjall gefur Hraunssvæðinu ekkert eftir, urriðinn er þar um allt eins og sjá má í logninu kvölds og morgna þegar fiskurinn vakir um allt og hámar í sig mývarginn.

      Annar flottur af Syðra Fjalli á Sunnudaginn                                   mynd frá Veidimenn.com

Það eru bara nokkur ár síðan að byrjað var að selja veiðileyfi á Syðra-Fjalli á almennum markaði og svæðið því ekki eins þekkt meðal veiðimanna og svæðin í kring. Hér er því hægt að komast í skemmtilega urriðaveiði næstu daga og vikur í þeirri fullkomnu ró og fegurð sem Laxárunnendur þekkja.

Laxáinn er öll að sjatna meira og meira og verða eins og hún á að sér að vera og ekki skemmir veðrið sem búið er leika um veiðimenn síðustu vikurnar.

Einnig sáu veiðimenn stórlax skvetta sér á Hrauni fyrir nokkrum dögum og nokkuð ljóst að laxinn er farinn að ganga í Dalinn.

Þess má til gamans geta að á svipuðum tíma 2011 veiddist einmitt stórlax á Hrauni eða þann 9júní. Hver veit nema við fáum fréttir af einum þannig höfðingja fljótlega

                                Nils Folmer Jörgensen með 103cm laxinn

 

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.