Fréttir

03 jún. 2013

Vellukkuð afmælishátíð

10 ára afmælishátíð SVAK tókst með ágætum og margir glöddu okkur með nærveru sinni bæði á hátíðinni við Leirutjörn og einnig á kvöldfagniði í Zontahúsinu. Þökkum við öllum kærlega fyrir komuna.


Boðið var uppá grillaðar pylsur og bleikju eldaða á ýmsan máta og rann hún út eins og heitar lummur. Þótti þessi heitreykta sælgæti og ekki síður þessi grafna en þess má geta Veiðivörumenn luma á góðum kryddblöndum til að gera góða bleikju betri.
Krakkarnir fengu að spreyta sig í spúnakastkeppni og fengu öll spúna að launum í boði Veiðivörur.is. Bæði ungir og aldnir tóku líka í stangirnar og reyndu fyrir sér. Þeir reynslumeiri leiðbeindu auðvitað ungviðinu eins og sjá má á myndunum hér fyrir neðan.


Stefán í Veiðivörur.is leiðbeinir ungum herramanni í fluguköstum


Valdimar stjórnarmeðlimur leiðbeinir ungviðinu í köstum með spúnastöng

Um kvöldið hittust SVAK félagar og aðrir velunnarar félagsins í Zontahúsinu og rifjuðu upp sögu félagsins .
Jón Bragi Gunnarsson var heiðraður sérstaklega fyrir velunnin störf í þágu félagsins og hlaut að launum  silfurnælu með merki SVAK en þess má geta að þetta er í fyrsta skipti sem félagið heiðrar félaga með þessum hætti.
Þá voru einnig veitt verðlaun fyrir ýktustu og bestu veiðisöguna og var keppnin geisihörð.


Jón Bragi með silfurnæluna góðu.

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.