Fréttir

29 maí 2013

Skjálfandafljót

Stangaveiðifélag Akureyrar hefur bætt enn einni skrautfjöðrinni í hatt sinn hvað bleikjuveiði varðar.

Þau eru fjölmörg bleikju og silungssvæðin sem SVAK bíður félagsmönnum sínum og öðrum veiðimönnum uppá og er Silungasvæði Skjálfandafljóts nú það nýjasta í þeim efnum.

                  

Silungasvæði Skjálfandafljóts er ódýr og góður kostur fyrir þá sem vilja veiða silung og einnig er talsvert góð laxavon. Silungasvæðin ofan brúar voru lengd upp á gömlu laxasvæðin og fylgja nú hyljir sem gefa góða silungsveiði og að öllu jöfnu þó nokkra laxa á ári hverju.

Veiðisvæðin eru fjögur og hægt er að skoða skiptingu svæðana betur Hér

Silungasvæðið í Skjálfandafljóti er afar vanmetið og þó svo að silungsveiðin hafi kannski ekki verið stunduð sérstaklega stíft þar eru engu að síður að veiðast um 600 bleikjur og sjóbirtingar að meðaltali ár hvert síðastliðin fimm ár og hafa sum árin verið hátt í 900 fiska

           

Skjálfandafljót sem býður upp á flotta veiðimöguleika ásamt afar fallegri og stórbrotinni náttúru er því flott viðbót við öll þau veiðisvæði sem SVAK bíður uppá og vonum við að sem flestir sjái sér færi í að veiða þar í sumar.

Veiðileyfi á silungasvæðum Skjálfandafljóts má sjá Hér

Til fróðleiks:

 Skjálfandafljót er jökulfljót sem á uppruna sinn í norðvestur hluta Vatnajökuls, nánar tiltekið í Vonarskarði sem er á milli Vatnajökuls og Tungnafellsjökuls og fellur til sjávar í botni Skjálfanda. Fljótið er um 180 km. á lengd og er það því fjórða lengsta vatnsfall á Íslandi. Vatnið í fljótinu er ekki eingöngu jökulvatn heldur rennur mikið af lindarvatni í það undan Ódáðahrauni. Þetta gerir það að verkum að fiskur gengur upp í fljótið og er umtalsverð silungs- og laxveiði því. Einnig gengur fiskur upp í margar af þverám þess 

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.