Fréttir

23 maí 2012

Hraun opnað

Sumarið er ekki alveg komið í Aðaldalinn, en væntanlega er það rétt handan við hornið. Við skruppum 4 saman og opnuðum Hraunssvæðiði í Laxá sunnudaginn 20. maí. Ákváðum að vera bara seinni vaktina, enda næturhiti réttu um frostmark en spáð ágætum hita eftir hádegi.

 

Ástandið á ánni var einsog við var að búast, mikið vatn, engin fluga og snjóskaflar á bökkum eftir Krossamessukastið.

Áin var samt 9° sem er mun hærra en við áttum von á. Með uppflettingu í góðri bók (Náttúra Mývatns bls. 148.) kom samt í ljós að það er fullu samræmi við mælingar fyrri ára. Hitistig Laxár stýrist að stærstum hluta af hitastigi Mývatns, enda tekur ekki nema rúma 6 tima fyrir vatn að renna úr Mývatni og niður að Brúarhlöðum og 12-15 niður að Laxamýri.

Dægursveiflur í Laxá eru tiltölulega litlar og mun minni en í Norðlenskum dragám, því dægursveiflan í Mývatni er ekki nema 2-3°C. Hitastig í Geirastaðaskurði við útfall Mývatns hækkar jafnan úr 1-2°C í byrjun apríl upp í 9°C í lok mai (nær svo hámarki um miðjan júlí í 13°C). Semsagt; 8-9°C í lok maí getur talist normal ástand.



En að veiðinni; Við urðum lítið eða ekkert varir við fisk nema á Harkateigum, lönduðum þar 2 fiskum og settum í fleiri.

Fróðir menn segja að urriðinn fari ekki á stjá fyrr en flugan fer af stað og enn fróðari menn segja að hún fari ekki af stað fyrr en eftir 2-3 daga af góðum lofthita.

Spáð er miklum hlýjindum næstu daga - einhver lendir því í miklu partýi þegar allt fer af stað, en það ætti, samkvæmt visku fróðu mannana að gerast á næstu dögum. Við veðjum á föstudaginn...


Skoðið veðurspá og lausa daga og nánari upplýsingar um Hraun .

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.