Fréttasafn

Fréttir Svak frá stofnun félagsins



08 sep. 2018

Nú fer að styttast í að veiðitíma á veiðisvæðum SVAK ljúki.

Svæði 4b,5a og 5b í Hörgá loka f.o.m 10.september en önnur svæði árinnar eru opin út mánuðinn.

Ólafsfjarðará er opin t.o.m 20 september og ennþá lausar nokkrar stangir þar ytra.

Svarfaðardalsá er eins og áður opin t.o.m 20.september.

Hraunssvæðin í Laxá í Aðaldal lokuðu 31.ágúst.

Vonum að þið hafið átt notalegar stundir á bakkanum í sumar og að þið njótið haustdaganna sem eftir eru. 

Minnum ykkur einnig á skráningu í rafrænu veiðibókina okkar.

 

 


22 júl. 2018

Ólafsfjarðará öðru nafni Fjarðará í Ólafsfirði opnaði fyrir um viku síðan. Þessi silungsperla hefur verið leigð af SVAK og Flugunni um árabil og virðist alltaf jafn vinsæl ef marka má sölu veiðileyfa í ánni. Ánni er skipt í tvö svæði með tvær stangir á hvoru þeirra.  Aðallega veiðist sjóbleikja í Ólafsfjarðsrá ásamt staðbundinni bleikju úr Ólafsfjarðarvatni. Þá villast alltaf einhverjir laxar uppí ána og rata á öngla veiðimanna.

Veiðin í ár hefur farið þokkalega af stað og bleikjan virðist vel haldin.

Þá hafa menn einnig orðið varir við lax. Einn veiddist á efra svæði í vikunni og í dag háði Úlfar Agnars veiðivörður árinnar baráttu við annan í Hrúthólshyl en varð að láta í minni pokann eftir fjörugan slag.

Úlfar og veiðifélagi hans Karl  náðu hinsvegar að landa nokkrum nýrunnum,flottum 2-3 punda bleikjum eins og sjá má á meðfylgjandi mynd.

 


22 júl. 2018

Veiðileyfin renna út eins og heitar lummur þessa dagana enda kominn sá tími er sjóbleikjan fer að láta sjá sig. 

Hörgáin virðist sívinsæl enda gaf hún vel af bleikju s.l sumar og  vonandi verður engin breyting á því í ár. Veiðimenn sem voru á 3 og 4 a í gær urðu þó nokkuð varir við sjóbleikju og þær sem komu á land voru 47-54 sm. Talsvert vatn er í ánni þessa dagana en hún hefur verið nokkuð tær.

Myndin sem fylgir fréttinni er af Árna Jóhannessyni með fallega bleikju af svæði 4a í gær.


22 maí 2018

Hið margfræga Fnjóskárkvöld verður haldið á vegum Stangveiðifélagsins Flúða og SVAK fimmtudaginn 31.maí kl 20  í Deiglunni í Listagilinu.

Sigþór Gunnarsson kynnir ána í máli og myndum fyrir gestum en hann hefur veitt í Fnjóská um árabil.

Happdrætti þ.s vinningar eru eftirfarandi:

1 stöng að eigin vali í 2 daga á laxasvæðinu í Fnjóská eftir 20 ágúst-2vinningar,

2 stangir saman á silungasvæðinu í Fnjóská í einn dag- 2 vinningar,

Keeper switch 10.6 stöng frá Veiðiríkinu-1 vinningur

Veitingar í föstu og fljótandi formi í boði SVAK

 Þá skal bent á að SVAK félagar fá eins og áður 20 % afslátt af laxveiðileyfum í Fnjóská.

Til að hita upp fyrir kvöldið má benda á góðar veiðistaðalýsingar á meðfylgjandi vefslóð;

http://www.fnjoska.is/fnjoska/veidistadir/

Vonumst til að sjá sem flesta.

Stjórn SVAK og Flúða


18 maí 2018

Svarfaðardalsá fer í forsölu til félagsmanna SVAK á morgun laugardag 19/5 kl 18 og stendur í eina viku.

 Leyfðar eru 10 stangir,  fimm svæði með tvær stangir hvert.

Veiðitímabil er frá 1. júní  til 20. september.

Allt agn leyfilegt.

Upplýsingar og veiðileyfi má nálgast hér.

 

https://www.veiditorg.is/upplysingar/svarfadardalsa

 


06 maí 2018

Við færum ykkur gleðifréttir.

Félögum SVAK býðst nú að kaupa sér lax-og silungs veiðileyfi hjá Strengir.is á 20 % afslætti en þau eru seld inná veiditorg.is.

Svæðin eru eftirfarandi:

Jökla (svæði 1,2 og 3) lax og silungur

Fögruhlíðarós

Breiðdalsá silungur og lax

Minnivallarlækur urriði 

Nánari upplýsingar og veiðileyfasala hjá Veiðitorgi og Strengjum.

Veiðitorg

strengir.is


29 apr. 2018

Hörgá fer í forsölu til félagsmanna SVAK kl 14 í dag og stendur til og með 30.apríl en þá hefst almenn sala á veiðileyfum. Veiðileyfi má nálgast á söluvef Veiðitorgs á veiditorg.is eða hér á síðunni.

Vorveiðin í Hörgá hefst 1.maí á svæðum 1 og 2 þ.s er eingöngu leyfð fluguveiði og sleppa ber öllum fiski fram til 20.maí. Eftir það gildir almenna reglan. Önnur svæði Hörgár opna 20.júní. 


22 apr. 2018

Minnum á opið hús í Veiðiríkinu á morgun mánudag kl 20 en þá verða tvær stuttar árkynningar. Hannes Reynisson segir okkur frá svæði 2 í Blöndu og Marinó Heiðar Svavarsson ætlar að kynna Svarfaðardalsá fyrir okkur en nú fer einmitt að styttast í að veiðidagar utan úr Svarfaðardalnum detti inná söluvefinn okkar.

Vonumst til að sjá sem flesta.

Heitt á könnunni eins og alltaf.

Stjórnin


18 apr. 2018

Aðalfundur SVAK var haldinn í gær.

Dagskráin var hefðbundin. Félagið stendur sterkum fótum og við höldum því ótrauð áfram með félagsstarfið okkar og veiðisvæðin okkar fjögur. Hluti af veiðileyfum komin í sölu nú þegar og restin kemur áður en apríl er allur.

SVAK verður 15.ára á árinu og stefnum við að veglegri afmælishátíð í haust þegar veiðarfærum verður lagt.

Í stjórn SVAK sitja eftirtaldir:

Guðrún Una Jónsdóttir formaður,Jón Bragi Gunnarsson gjaldkeri,Björn Hjálmarsson meðstj. Guðmundur Ármann Sigurjónsson varaformaður, Valdimar Heiðar Valsson meðstj., Stefán Gunnarsson varastjórn og Þráinn Brjánsson varastjórn.

Hlökkum til sumarsins með ykkur 

 

 


18 apr. 2018

Jæja ágæta stangveiðifólk nær og fjær.

Þá er vorveiðin hafin og sumarið á næsta leyti.

SVAK bíður uppá nokkur opin hús næstu vikurnar til að stytta biðina enn frekar.


16 apr. 2018


Aðalfundur SVAK fer fram 17.apríl kl 20:00 í húsnæði Veiðiríkisins að Óseyri 2,2.hæð.

Hefðbundin aðalfundarstörf með eftirfarandi dagskrá:

1. Kosning fundarstjóra og fundarritara
2. Formaður flytur skýrslu stjórnar
3. Farið yfir ársreikning félagsins og hann lagður fram til samþykktar
4. Umræður um ofangreint
5. Fundarhlé, veitingar
6. Kosningar í stjórn
7. Önnur mál

Eftirfarandi aðilar sitja í stjórn SVAK og eru tilbúnir að halda áfram: Guðrún Una Jónsdóttir formaður,Jón Bragi Gunnarsson gjaldkeri,Björn Hjálmarsson meðstj. Guðmundur Ármann Sigurjónsson varaformaður, Valdimar Heiðar Valsson meðstj. og Stefán Gunnarsson varastjórn.

Vonumst til að sjá sem flesta.


11 apr. 2018

Forsala til félagsmanna á veiðileyfum á Hraunssvæðunum í Laxá í Aðaldal hefst í dag kl 18 og stendur í viku.

Veiðileyfi má nálgast á Veiðitorgi.


10 apr. 2018


Aðalfundur SVAK fer fram 17.apríl kl 20:00 í húsnæði Veiðiríkisins að Óseyri 2,2.hæð.

Hefðbundin aðalfundarstörf með eftirfarandi dagskrá:

1. Kosning fundarstjóra og fundarritara
2. Formaður flytur skýrslu stjórnar
3. Farið yfir ársreikning félagsins og hann lagður fram til samþykktar
4. Umræður um ofangreint
5. Fundarhlé, veitingar
6. Kosningar í stjórn
7. Önnur mál

Eftirfarandi aðilar sitja í stjórn SVAK og eru tilbúnir að halda áfram: Guðrún Una Jónsdóttir formaður,Jón Bragi Gunnarsson gjaldkeri,Björn Hjálmarsson meðstj. Guðmundur Ármann Sigurjónsson varaformaður, Valdimar Heiðar Valsson meðstj. og Stefán Gunnarsson varastjórn.


05 apr. 2018

Ágætu félagar og annað stangveiðifólk.
Það styttist í aðalfund SVAK og að því tilefni viljum við kanna áhuga ykkar að starfa með félaginu okkar í stjórn eða á öðrum vettvangi eins og í skipulagningu á viðburðum og opnum húsum á vegum félagsins.
Áhugasamir eru vinsamlegast beðnir um að senda okkur póst á svak@svak.is.
Veiðikveðjur
Stjórn SVAK


01 mar. 2018

Mánudaginn 5.mars kl 20 mun Matthías Þór Hákonarson hjá kynna veiðisvæði Iceland fishing guide í Veiðiríkinu Óseyri.


20% afsláttur til allra sem bóka í kjölfarið af kynningunni.


Um er að ræða kynningu á lax- og silungsveiði í Mýrarkvísl, Lónsá, Sauðanesós og nærlyggjandi vötnum,Presthvamm í Laxá í Aðaldal ásamt vorveiði möguleikum.


Vonumst til að sjá sem flesta, heitt á könnunni og gómsætt kex með.


Allir velkomnir !


Minnum í leiðinni á flugukastæfinguna í Íþróttahöll Akureyrar sunnudaginn 4.mars kl 12.


19 feb. 2018

Nú ætla félagar og velunnarar SVAK að koma saman í Deiglunni fimmtudaginn 22. febrúar kl. 20 og hnýta nokkrar flugur. Efni og tæki fyrir þá sem eru að taka fyrstu skrefin og leiðbeiningar veittar til þeirra sem þess óska.
Allir eru velkomnir á samkomur SVAK.


19 feb. 2018

Forsölu í Ólafsfjarðará er nú lokið og veiðileyfi því komin í almenna sölu.

Ánni er skipt í tvö svæði og er veitt á tvær stangir á hvoru svæði. Veiða þá tvær stangir á efra svæði fyrri vaktina og á neðra svæði seinni vaktina og öfugt. 

Merktir veiðistaðir eru um 20 og annað eins er af ómerktum stöðum.

Leyfilegt agn er fluga og maðkur.

Kvóti á dag er 12 fiskar á stöng og er ekki heimilt að færa hann á milli stanga eða á milli daga.

 


09 feb. 2018

Fjarðará í Ólafsfirði fer í forsölu til félagsmanna sunnudaginn 11.febrúar um kl 18 og stendur í viku eða til sunnudagsins 18.febrúar.
Vonandi finnið þið daga við hæfi.
Verðskrá er óbreytt og félagar fá 20 % afslátt eins og verið hefur.


24 jan. 2018

Mánudaginn 29.janúar kl 20:00 hefst vetrarstarf SVAK formlega í Veiðiríkinu við Óseyri.

Valdimar Heiðar Valsson segir okkur ferðasögu en hann fór í til Denver Colorado á stóra veiðisýningu í byrjun janúar og endaði svo á að veiða í Gunnison fljóti í tvo daga. Ferðin var mikil upplifun og verður áhugavert að heyra af því.

SVAK býður gestum upp á þorraveitingar þetta kvöld og er þetta kjörið tækifæri til að hitta aðra veiðimenn og spjalla aðeins um veiði og bragða á allskonar góðgæti í leiðinni.

Vonumst til að sjá sem flesta.

Minnum í leiðinni á Kastæfingar okkar í Íþróttahöll Akureyrar sem hefjast sunnudaginn 18.febrúar kl 12. Nánar auglýst síðar.

Stjórn SVAK

 

 

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.