Ólafsfjarðará

SVAK og stangveiðifélagið Flugan hafa Fjarðará í Ólafsfirði í sameiningu  á leigu . Landeigendur halda eftir einu degi í viku (þriðjudagur). SVAK hefur til sölu um helming daganna og Flugan hinn helminginn. Neðar á síðunni má sjá þá daga sem SVAK hefur til sölu en á síðu Flugunnar má sjá þá daga sem þeir hafa til sölu.

Árið 2008 voru allir helstu veiðistaðir árinnar merktir svo  og svæðamörk .Einnig var veiðikort unnið. Það eru 20 skráðir veiðistaðir við Ólafsfjarðará og eru flestir þeirra mjög skemmtilegir en það er með Ólafsfjarðará eins og aðrar sjóbleikjuár að bleikjan getur verið dyntótt. Allt frá því að vera brjáluð taka og að vera veiði sem reynir á innsæi og útsjónarsemi veiðimannsins .

Fiskvegur hefur verið gerður við Hólsfoss en svæðið þar fyrir ofan er enn hálfgert tilraunasvæði. Verið er að kanna hvort bleikjan festi ekki rætur þarna fyrir ofan og verður fylgst vel með því og ákvarðanir með veiði þar teknar í framhaldi af því . Það hefur einnig sést sjóbirtingur í ánni og stöku lax en bleikjan hefur samt yfirhöndina og megi hún verða það til framtíðar, þessi harðgerði fiskur sem gleður okkur veiðimennina í hita leiksins.

Staðsetning: Ólafsfjarðará rennur til Ólafsfjarðarvatns í Ólafsfirði. Hún á upptök austast á Lágheiðinni og í fjalllendinu beggja vegna dalsins. Ólafsfjarðará er tær dragá, meðalvatnsmikil og frekar lygn neðantil en getur verið straumhörð ofantil. Seinni hluta sumars er þarna oft ágæt sjóbleikjuveiði, mest 1 – 2 punda fiskar . Ólafsfjarðará er 61 km frá Akureyri og 440 km frá Reykjavík.

Tölur: Ekki eru til upplýsingar um árlega veiði hjá veiðimálastofnun, en heimildir herma að árlega veiði sé um 1.600 fiskar (1.300-2.000) og er meðalstærð um 700-800 gr.

Leyfilegt agn: Fluga og maðkur

Veiðifyrirkomulag: Ánni er skipt í tvö svæði og er veitt á tvær stangir á hvoru svæði. Kvóti á dag er 12 fiskar á stöng og er ekki heimilt að færa hann á milli stanga eða á milli daga. Ef keyptar eru báðar stangir á svæði er heimilt að bæta þriðju stönginni við og leyfa 12 ára og yngri að veiða á hana. Sú stöng er kvótalaus en heimilt að færa á hana kvóta af hinum tveim. Aðeins verða seldir heilir dagar og eru svæðaskipti á vaktaskiptum. Veiða þá tvær stangir á efra svæði fyrri vaktina og á neðra svæði seinni vaktina og öfugt. Veiðitími er frá kl 07:00 til 13:00 og 16:00 til 22:00 en eftir 15 ágúst er seinni vakt frá 15:00 til 21:00.

Aðgengi: Aðgengi að ánni er gott og geta menn auðveldlega verið á fólksbílum en sumstaðar þarf að sjálfsögðu að ganga dálítinn spotta en það er jú hluti af veiðiferðinni að ganga og njóta útiverunnar. Veiðimenn eru beðnir um að taka tillit til þess að allur akstur utanslóða og á túnum er stranglega bannaður og viljum við biðja veiðimenn um að ganga vel um og taka allt rusl með sér heim að loknum veiðidegi. Við viljum að umgengni veiðimanna við Ólafsjarðará verði félaginu okkar og öllum veiðimönnum til sóma.

Veiðihús: Ekkert veiðihús, upplýsingar um aðra gistingu má finna hér

Kort svæði 1
Kort svæði 2
Loftmynd svæði 1
Loftmynd svæði 2

Veiðileyfi

Hörgá
23 jún. 2017
Svæði 1 fyrir hádegi
Verð: 4.200 kr. - Stangir: 2
23 jún. 2017
Svæði 2 fyrir hádegi
Verð: 4.200 kr. - Stangir: 2
23 jún. 2017
Svæði 3 fyrir hádegi
Verð: 4.200 kr. - Stangir: 2

Laxá - Hraun
01 júl. 2017
1 stöng á neðra svæði fyrir hádegi
Verð: 6.500 kr. - Stangir: 1
01 júl. 2017
1 stöng á neðra svæði eftir hádegi
Verð: 6.500 kr. - Stangir: 1
06 júl. 2017
1 stöng á efra svæði fyrir hádegi
Verð: 6.500 kr. - Stangir: 2

Ólafsfjarðará
19 júl. 2017
Efra svæði fyrir hádegi og neðra eftir hádegi
Verð: 10.800 kr. - Stangir: 1
21 júl. 2017
Efra svæði fyrir hádegi og neðra eftir hádegi
Verð: 10.800 kr. - Stangir: 1
30 ágú. 2017
Efra svæði fyrir hádegi og neðra eftir hádegi
Verð: 10.800 kr. - Stangir: 2

Svarfaðardalsá
23 jún. 2017
1 stöng í heilan dag
Verð: 5.000 kr. - Stangir: 2
23 jún. 2017
1 stöng í heilan dag
Verð: 5.000 kr. - Stangir: 2
23 jún. 2017
1 stöng í heilan dag
Verð: 5.000 kr. - Stangir: 2